Cinîyan ê Berlînî hêrişê dewleta Tirkî protesto kerdî

Paytextê Almanya Berlîn de rayberîya Platformê Cinîyan ê Demokratîkan de vera hêrişanê dewleta Tirkî çalakîyêk ameye viraştene.

Paytextê Almanya Berlîn de cinîyan hêrişê vera cinîyan ê Kurdistan û Tirkîya, qeyûmê ke şaredarîyanê Amed, Wan û Mêrdînî de ameyî cakerdene û ambargoyê serê Mexmûrî protesto kerdî.

Cinîyê ke vernîya Rote Rathausî de ameyî pêser bi  dovîzan bale ante serê şîdetê vera cinîyan, qeyûmê ke şaredarîyanê Kurdan de ameyî cakerdene, ambargoyê PDK’yî yê vera Kampa Multecîyan Şehîd Rustem Cûdî ya Mexmûrî û polîtîkaya hêrişkare ya deweta Tirkî ser û mesajê xoverdayîşî dayî. Cinîyanê ke bi slogananê Kurdkî, Almankî û Tirkî hêrişê dewleta Tirkî protesto kerdî, derheqê nê hêrîşan de Almankî û îngîlîzkî bi seyan vilawekî vila kerdî. Çalakîya cinîyan bi deyîran, şîîran û marşanê şorişgêran qedîyaye.