Meclîsê Cinîyan ê HDPyî çarçewa têhetameyîşanê ''Feqîrîya cinîyan rê nê'' yenê ke sey etabê dîyinî yê Kampanyaya ''Semedê cinîyan edalet'' yenê kerdene de ewro Dêrsim de bi.

Vervatoxa Meclîsê Cinîyan ê HDPyî Ayşe Başaran, Wekîle Huda Kaya,endamê Koordîsnayonê Cinîyan Semîha Şahîn, Feray Mertoglu, endamê Meclîsê Cinîyan Gulcîhane Şîmşek û Hasrete Alp, Hemsereka HDPyî ya Dêrsimî Nurşate Yeşil û endamê Meclîsê Cinîyan ê Dêrsimî û Endama Koordînasyonê Merkezê Xelisnayîşê Cinîyan Nupelda Çelîk heyet de ca girewt.

Heyetî verî qezaya Xozatî de cinîyê ke kooperatîfîye kenê zîyaret kerdî. Cinîyê ke  atolyeyê ke bi xo nayî ro de fêkî ra reçel û marmelat virazenê seba ke dahîna zaf biroşê selahîyetdaran ra warê bazarî waştî. Cinîyan ard ziwan ê seba ke gureyenê hewceyê camêrdan nêyî û vat xoserîya ekonomîke înan rê zaf çî dayo qezenckerdene.

Heyetê cinîyan dima ra şi qeza Pulurî cinîyê karkerê tekstîlî zîyaret kerdî. Cinîyan derheqê krîzê ekonomîkî de qisey kerd. Cinîyan ê karkeran vayîye ra lome kerd kerd û vat ê zaf tengayî ancenê. Heyetê cinîyan vat ê do vengê înan sere de Meclîs  her ca de bidê eşnawitene.