Meclîsê Cinîyan ê Partîya Demokratîke ya Şaran (HDP) Programê xo yê 'Feqîrîya Cinîyan rê Nê'  yo ke merheleya dîyine a Kampanyaya 'Semedê Cinîyan Edalet'  o Îstanbul da  destpêkerdene.

Vervatoxa Meclîsê Cinîyan ê HDPyî Ayşe Acar Başaran, Hemvervatoxa HDKyî Îdîle Ugurlu, Endama SKM MYKyî Çîçeke Otlu, Hemserreka Pêroyî ya SYKPyî Canan Yuce, Vervatoxa SODAPî Sevtabe Akdag, Partîya Şorişgêre ra Melda Çelîk, Wekîlê HDPyî Huda Kaya, Serpile Kemalbay û Hemsereka HDPyî ya Îstanbulî Elîfe Bulut tewrê kombîyayîşî  bîyî.

Vervatoxa Meclîsê Cinîyan ê HDPyî Ayşe Acar Başaran ke kombîyayîş de qisey kerd verî hêrişê vera Komeleya Cinîyan a Rosa şermezar kerdî û vat: ''Xeylêk wexto ke îqtîdar vera mucadeleyê cinîyan hêrişo sîstematîk rayra beno. Hema hema her roje cinîyêke yena destbenkderdene, tepiştene û pê hepsê keyeyî yena cezakerdene. Wazenê ke cinîyê xoverdayoxî peyser game bierze la cinîyî rixmê heme hêrişan mcuadeleyê xo domnenê.''

Başarane vat: ''Seke yeno zanayene 10ê sibate de  ma Kampanyaya ''Semedê Cinîyan Edalet''  daye destpêkerdene. Na çarçewe de grevê vêşanîye yo ke  vera tecrîdê zîndanan, binpaykerdişê heqan, cigêrayîşê rûtî yeno kerdene ma pê çalakî aktîvîteyanê xo cedh kerd ke bibê vengê ci. Ewro zî ma sey merheleya dîyine dest pê xebata vera feqîrîya cinîyan kenê. Ma startê kampanya da.  Ma heme waran ke cinîyî tede feqîr mendî de sey vengê hemparî têkoşîn bikerê. Ma verî Ege ra dest pê kenê. Dima çar hetanê Tirkîya û Kurdîstan de na xebate danê rayraberdene.''