Zîndanê Sîncanî de derheqê 10 cinîyan ê tepişteyan de seba ke Newroze fîraz kerde tehqîqat dîya destpêkerdene.

Nameyê 10 cinîyan wina yê: Sîdare Varlu, Aleve Yarar, Rozerîne Kurt, Sariye Taşkesen, Ayla Akat Ata, Dîleke Yagli, Ayşe Yagci, Meryeme Adibellî, Bîrcane Yorulmaz û Pervîne Oduncu.

Goreyê agahîyan 23ê adare de tepişteyan rê nuşteyêk ame şawitene ke ganî pawitişê xo bikerê. Belgeyê tehqîqatî de vêşnayîşê kaxiz û rojnameyan, dormeyê adirî de girewtişê govende sey sebebê tehqîqatî ameyî mojnayene.