Bajarê Dortmundî yê Almanya de dezgehê cinîyan ê kurdan ê Ewropa bi şîarê ""Şoreşa Jinê Mîsogerîya Jiyana Azade"" kongreya 1. ya Kongreya Star Ewrupa de ameyî têhet.

Cinîyê rojawanijê ke Ewropa de rêxistinbîyayîşê xo domanenê, heta nika sey Komîteya Cinîyan ê  Rojawanî xo rêxistin kerd bi. Cinîyan bi nameyê Kongraya Star Ewropa xo rêxistin kerd.

Cinîyî pê kincanê xo yê neteweyîyan tewrê kongre bîyî. Badê vîjnayîşê dîwanî sîyasetmedare Zozane Derik û Dilşah Osman qiseykerdişê akerdişî kerd. Reyna Endama Koordînasyonê Kongreya Starî  Asya Abdullah û bi nameyê TJK-E Ewropa Zeynepe Dersim zî qiseykerdişêk kerd.

Asya Abdullah nê vatî: ''Ewro vera Rojawanî konseptêko pêroyî yê îmha bêmabên yeno domnayene. Xora no konsept vera çar parçeyanê Kurdîstanî esto. Sere de Herême Pawitişî yê Medya pê paştdayîşê hêzanê mîyanê neteweyî vera Kurdsîtanî hêrişê îşxalî dewam kenê. Pê nê konseptê hêrişî paradîgmaya Rayber Apoyî yena hedefgirewtene. Dewleta tirke bêmabên hêrişê Rojawanî kena. Pê hêrişê hewayî şarê ma qetil kena û qirkerdişê kulturkî kena. Ma bi konseptê înkar û îmha rî bi rî yê. Ma cinîyî ganî vera nê konseptî xo bipawê. Têkoşînê ma dewam keno. Hêvîyê ma estê û her roje tewrbîyayîşê têkoşînê ma zêdîyeno. Xeyrê şehîdanê ma dewleta tirke û çeteyê ci Rojawan de bin kewtî û bêçare mendî. Xeyrê têkoşînê bi hezaran şehîdan ma ser kewtê. Eke yew ca de cuya esto uca de cinî esta. Ganî ma prosesî rind fehm bikero û goreyê ci têbigerê ke ma ser bikewê.''

Zeynepe Dersim zî vat: ''Efrin hema ma ra paweno ke ma ey azad bikerê. Eke ma rêxistinbîyayîşê xo pîl bikerê ma eşekenê Efrîn û çar parçeyanê Kurdîstanî azad bikerê. Heta ke Rojawan û Kurdîstan azad nêbê ma rê vindertiş çîn o.  Herre û welat ercê tewr pîl ê merdiman ê. Ganî ma înan bipawê.''