Bajarê Zurihî yê Swîsre û bajarê Heilbronnî yê Almanya de cinîyan ê kurdan semedê wedaritişê tecrîdê serê Rayberê Şarê Kurdî Abdullah Ocalanî Neteweyanê Yewbîyayeyan (NY) rê mektubî erşawitî.

Zurih de serkêşîya Meclîsê Cinîyan ê Bêrîtane û Dayîkanê Haştîye xeyêk cinîyî postaneyê bajarî de ameyî têhet.Cinîyanê ke posterê Abdullah Ocalanî kiriştî mektubê xo erşawitî. Dayîkanê Haştîye ra Zahîde Huseyîn û Îsmîhane Ok veng da dewleta tirke û dezgehanê mîyanneteweyî ke wa waştişê heqdarî yê şarê kurdî cade bêrê caardene.

Heilbronn de zî aktivîstanê TJK-E mektubê ke  arêdayîbî hetê grûbêka cinîyan ra ameyî erşawitene.

Reyna bajaranê Wuppertal, Dusseldorf û Bensheimî yê Almanya de zî bi eynî waştişî Neteweyanê Yewbîyayeyan rê mektubî ameyî şawtene.