Qezaya Pirsûsî a Riha de bado ke banê DEM Partî de forumê ''Ma şorişê cinîyan ê Rojawanî selam kenê'' ame kerdene,  serkêşîya cinîyan de vera hêrişanê îşxalî yê dewleta tirke û çeteyanê ci yê vera Rojawanî ver bi sînorê Kobanê rayrşîyayîş ame kerdene.

Wekîlê DEM Partî, Dayîkê Haştîye, îdarekarê Şanoya Bajêr a Amedê, Komeleya Kultur Hunerî yê Dîcle Firatî, Komeleya Huner Edebîyatî (KASED) aktîvîstê Tevgera Jinên Azad-TJA û bi hezaran kesî tewrê ci bîyî.

Rixmê astengkerdişê polîsan rayraşîyayîşo ke verê banê DEM Partî dest pê kerd bi slogananê "Bijî berxwedana Rojava", "Bi can bixwîn em terene Rojava", "Jin jiyan azadi" û tîlîlî û çapikan heta warê nobete dewam kerd.

Çalakîye de pankartê sey "Rojava xeta me ya sore ", "Nazım Cihan Rumeta me ne" ,"Em şoreşa jinan a Rojava diparêzin ", "Rojava şoreşa me ya Jin jiyan azadi ye, Rojava teqez nakeve" ameyî akerdene.

Vervatoxa Meclîsê Cinîyan ê DEM Partî Halide Turkoglu ard ziwan ke hêrişê vera Rojawanî newe nîyê û nê vatî: ''2024 de şaran tîya paştî daye Rojawanî. Ma ewro reyna tîya paştî danê Rojawanî. Zîhnîyetê ke vizêr paştî daya DAÎŞî ewro paştî dano çeteyanê SMOyî. Rojawan de modelê cuyeya seyyewbîne û azad yeno înşakerdene. Şarê ke seserrî yo yenê înkarkerdene hinî heme dinya de yenê vînayene. Coka çimê perûne Rojawanî ser de yê. Ma hêrişanê vera Rojawanî ke çeteyî bi destê Tirkîya kenê, qebul nêkenê. Nê hêrişî teberê merdimîye yê. Îdareyo Xoser haştîye û cuyeya azade temsîl keno. Ma heta peynî paştî danê na cuye. Şorişê Rojawanî dinya ra vila bi. Şima hinî nêeşkenê çîn bihesibnê. Ma do tim vera hêrişanê qirkerdişî vinderê.''