Strasbourg de çarçewa kampanyaya 'Tîrêjên Rojê' de cinîyan venga dezgehanê Ewropa da ke vera tecrîdê Îmraliyî erkê xo bîyarê ca û hêzanê azadîgîran ra zî waşt ke paştî bidê Hemleya Azadîye.
Şaristanê Strasbourgî yê Fransa de çarçewa kampanyaya 'Tîrêjên Rojê' yê TJK-E de rayraşîyayîşêk ame kerdene. Rayraşîyayîş de pankarta “Tîrêjên Rojê, Libertê pour Ocalan; Solution à question Kurde” ameye akerdene û fotografê Rayberê Şarê Kurdî Abdullah Ocalanî ameyî akerdene.
Cinîyan bê mabên sloganê sey "Bijî Serok Apo", "Bê Serok jiyan nabe" û "Jin, Jiyan, Azadî" vatî.
Endama Komunê Cinîyan ê Zîne Helena Dêrsim çalakîye de pare kerd ke Rayberê Şarê Kurdî seba kurdan û şaranê bindestan kedêka pîle daye.
Vervatoxa Komunê Cinîyan ê Zîne Roşna Çewlîg dîyar kerd ke Hemleya Azadîye serkêşîya cinîyan de derbazê safhaya diyîne bîya û vat: ''Azadîya Rayberê ma azadîya şarê ma û cinîyan a. Heta peynî ma meydanan de seba azadîya Rayberê xo biqîrê.''
Hemsereka DKTMyî ya Strasbourgî Sîdare Amed vat: ''Rayberê ma îradeyê çareserîya demokratîke û haştîyane ya meseleya kurdan a. Seba çareserîya mesele ganî dezgehê Ewropa bi taybetî CPT cade şorê Îmraliyî û erkê xo bîyarê ca.''
Qiseykerdişan ra dima mîtîng bi berzkerdişê sloganan qedîya.
