Bi îdîaya 'vera qanûnî û exlaqî têgêreno' derheqê latformê 'Ma do Verê Kişîyayîşê Cinîyan Bigêrê' (KCDP) de dewa amebî akerdene. Roniştişê verênî yê dewa Mehkemeya Huqûqê Eslîyî ya Edlîyeya Îstanbulî de dest pêkerd.

Roniştişî ra verî endamê KCDPyî, avûkatî, wekîlê HDPyî zî tede wekîlê xeylêk partîyan, komîsyonê cinîyan ê baroyan û xeylêk cinîyî verê edlîye de ameyî pêser û înan eşkerayîyêke wende.

Ronayoxanê KCDPyî ra Gulsume Kav îfade kerd ke dewaya vera înan neheq a  û paştdayîşê cinîyan do heqê na dewa ra bêro. Wekîla CHPyî Gamze Taşçier û Wekîla TÎPî Sera Kadigîl zî pare kerd ke dişmenê cinîya do şorê KCDP do bimano. 

Wekîla HDPyî Oya Ersoy vat: ''Ê nêeşkenê cinîyan bêveng bikerê, têkoşînê azadîye û têdûştîye vindarnê. No îqtîdar wazeno komelêkê bînî awan bikero coka cinîyan keno hedef. No îqtîdar têkoşînê cinîyan  verê xo de sey astengîye vîneno. Ma do nê sîstemî vindarnê. Ma do bêveng nêmanê.''

Eşkerayîye ra dima cinîyî derbazê edlîye bîyî.