Cinîyan Washington de Trump protesto kerd

Paytextê DYA Washington de 'Rayraşîyayîşê Cinîyan o 4.' ame kerdene. Çalakîye de ke bi hezaran cinîyî tewrê ci bîyî polîtîkayê Serekê DYA Donald Trumpî ameyî protestokerdene.

DYA de çarçewa Rayraşîyayîşê Cinîyan ê 4. de çalakîyêke ameye kerdene. Cinîyanê ke tewrê çalakîye bîyî polîtîkayê Trumpî şermezar kerdî.

Kîme Ellîotta Washingtonije dowîzêk berz kerd û vat: "Se serran verî ra nika hîna zêde tersena.'' Ellîotte AFP reyde qisey kerd û vat: "Ma zanayêne ke Trump do hîna tersnox bibo la ma nêzanayêne wina bitehlûke bibo."

Cinîyanê femînîstan zî verê Qesra Sipîye de deyîrî vatî û binê serd û vewre de zî çalakîya xo ya şermezarkerdişî arde ca.