Endama Komeleya Keyeyanê Şehîdan û Meclîsê Îştare Sarya Marînos derheqê karanê cinîyan ê Kampa Multecîyan a Şehîd Rûstem Cûdîyî ya Mexmûrî de ANFyî rê qisey kerd.

Sarya Marînos ard ziwan ke dadîyî û cinîyî pêro dezgehanê kampe de ca gênê û vat: ''Ez sey endamêka komele şina keyeyanê şehîdan zîyaret kena, çarşemeyan  ma bernameyêkî amade kenê. Ma dezgehan de nefesî gênê. Karê ma bêmabên her roje dewam kenê.Verî camêrdan verê cinîyan girewtêne. Cinîyan têna xizmetê camêrdan kerdêne. Nika wina nîyo. Xêrê fikran û felsefeya Rayber Apoyî ra cinîyan xo şinasna çunke Rayber Apoyî qîmetêko pîl da cinîyan. Cinîyî bîyî wayîrê hêz û artêşe. Ganî cinîyî zî wayîrê keda xo vejîyê. Partîya ma PKKyî îmkan da cinîyan. Ganî ma zî wayîrê nê erjan vejîyê.''

Sarya Marîno îfade kerd ke a hem karanê xo yê rojane kena hem zî dezgehan de wezîfe kena. Dayîke Sarya vat: ''Heta ke weşîye mi îmkan bida ez do karanê xo rê dewam bikera. Ez wexto ke karanê şehîdan kena pê kêfweş û zerrîrehet bena. Cinîyê ke hende serran ameyê binpaykerdene, nika seke mergî ra şîyar bîyê. Ez rincan biba zî karanê xo ana ca çunke ez vera dişmenî têgêrena.''