Yewîya Cinîyan ê Ciwanan a Rojawanî 30ê hezîrane de bi nameyê 'Zîlane' festîvalêke do serûber bikerê. Festîvala 'Şehîde Zîlane' Reqa de do bi şîarê 'Bi ruhê ciwanîya Vîyane û Nûjîyanan, ma do şerê azadîye ser bivisnê' bêra kerdene.

Îdarekaranê Yewîye ra Firyale Temî derheqê babete de agahîye daye û pare kerd ke ê festîvale de do bimojnê ke hetê gerîlayan de yê. Firyale vat: ''Reqa ra ma do YJA-Starî selam bikerê, xoverdayîşê înan fîraz bikerê.''

Firyale Temî venga pêro cinîyan û şarê Rojawanî da ke wa tewrê festîvale bibê.