Vera betalkerdişê Peymana Îstanbulî nêrazîbîyayîşî nêqedîyenê. Cinîyan ê Çewlîgî derheqê mesele de Ajansê Mezopotamya rê qisey kerd û pare kerd ke betalkerdişê Peymana Îstanbulî beno sebebê qirkerdişê cinîyan.

Turkane Kîşîn cinîyê mexdûrê şîdetî û qirbîyayeyî vist vîrî û vat: ''Ma giranîye danê Peymana Îstanbulî ser la ê cinîyan çin hesibnenê. Înan peymane wedarnaye la ke êyê ke peymane wedarnaye nêvînenê ke hîşmendîya cinîyan aver şîye. Cinîyî hîna bihêz bîyî û barîkatan ra derbaz bîyî. Ma wina wina do vejîyê asta tewr berze.''

Cinîyan ra Evîndare Barcadurmuş Solmaz îfade kerd ke peymana Îstanbulî pê têkoşînê cinîyan ameye destkewtene û vat: ''Ma hîşmendîya tek camêrgî qebul nêkenê. Peymana Îstanbulî têkoşînê cinîyan o û xeta ma ya mor a. Na peymane ra fek veraverdiş yeno mana bênefes mendiş. Ma do têkoşînê xo rê dewam bikerê.''

Hatîce Kitay zî bale ante ser ke cinîyî ganî tim pîya bibê û vat: ''Ganî ma vengê xo her ca de bidê eşnawitene. Yew cinîye zî bimana ma do vera şîdetî vengê xo vejê. 1ê temmuze de wexto ke peymane wedarîyaye senî ke cinîyî vejîyayî meydanan her 1ê temmuze de wina do meydanan de bibê.''

Ozleme Orman zî eşkera kerd ke sîstem qestî ra hêrişê destkewteyanê cinîyan keno û vat: ''Nê prosesî ra pey ma heman destekî cinîyan ra pawenê.Ma qebul nêkenê, heta peynî ma do xover bidê. Dewlete zî ney zanena. Heqanê xo ma do bi xo bivisnê destî û dîyar bikerê.''