Cinîyê ciwanî yê kurdî yê ke Ewropa de ciwîyenî her serre kampa jîneolojî de yenê têhet. Emser  serkêşîya Komîteya Jîneolojî û Cinîyan ê Ciwanan ê Têkoşeran de kampa jîneolojî ameyE organîzekerdene.

Kampa cinîyan ê ciwanan a ke menga temmuze de ameye kerdene Şehîde Zenda Ekîn rê ameye dîyarîkerdene. Çar leteyanê Ewropa ra cinîyê ke tewrê kampe bîyî, zanayîşê cinîye, tarîxê têgêrayîşê cinîyan ê kurdan girewt dest, derheqê şerê taybetî de muneqeşeyî kerdî û muhîmîya welatperwerîye û hemratîye ser o vindetî.

Eşkerayîya ke bi nameyê Komîteya Jîneolojî û Cinîyan ê Ciwanan ê Têkoşeran ameye dayene de nê ameyî vatene:  ''Ganî ma Şehîde Zenda Ekîn xo rê sey nîmune bîgêrê û hêzê têkoşînê aye teqîp bikerê û semedê pawitişê Kurdîstanî çîyo ke destê ma ra yeno bikerê. Cinîyê ciwanî ganî vera kapîtalîzmî vejîyê. Ganî ma xo perwerde bikerê, rêxistinkerde rêçê cînîyan ê xoverdayoxan ra şirê. Wezîfeyê her cinîye yo ke xo perwerde bikero.  Afernayîşê komelê azad û demokratîkî pabesteyê heskerdiş û îradeyê şarî yo.''