Şarê Kurdî seranserê tarîxî de adetê xo yê dengbêjîye rê ci heta roja ewroyîne dewam kene ke tede şer, dej, eşq û cuya komelî yê kurdan hewêneno. Qezaya Çelê ya Colemêgî de cinîyî nê adetî rê dewam kenê. Cinîyan derheqê dengbêjîye de qisey kerd.

Dengbêje Ayşe Daş pare kerd ke a qijîye ra nata dadîya xo reyde kilaman vana û vat: "Dadîya mi hertim kilamî vatêne. Ez nê kilaman dadîya xo ra musaya. Ma şinê veyvan û uca de kilaman vanê.  Nimûne; kilamêk ‘nazê’ esta, hîkayeya ci esta. Hîkaye de eşqê di kesan estao. Ma dej û kêfweşîya xo kilaman de  anê ziwan. Yewin waştişê mi o yo ke wa neslê dimayê ma bi ziwanê xo qisey bikerê, sey ma wa bi ziwanê xo kilaman vajê, ma senîn ê wa ê zî wina bê."

Dengbêje Emîne Seraç zî da zanayene ke aye qijîya xo de bêrîvanî kerda û wina vat: “Birayê mi kilamî vatêne û mi rê vatêne ez zî peyê ci ra vaja. Ey ez wina musnaya. Dengbêjîye tarîxê ma yo, ziwanê ma yo. Înşalah dengbêjîye hertim do dewam bikera. Heta destê ma ra bêro ma do dewam bikerê. Yewin waştişê ma o yo ke tutê ma nê adetî rê dewam bikerê."

Dengbêje Adalete Yilmaz zî îfade kerd ke a 27 serrî yo Çelê de ciwîyena û vat: “Mi kilamê embazanê xo yê dengbêjan reyna kerdî û wina dest bi dengbêjîye kerd. Nika ma şinê veyvan û pîya kilaman vanê. Ziwanê ma kurdkî ya û ma xeylêk ziwanê xo ra hes kenê. Coka ma wazenê hertim bi kurdkî qisey bikerê û kilamanê xo vajê.”