Bajarê Torino yê Îtalya de cinîyan ê îtalyanan çarçewaya hemleya ''Abdullah Ocalanî rê azadîye, meseleya kurdan rê çareserîya sîyasîye'' de rayraşîyayîş organîze kerd û xoverdayîşê Rayberdê Şarê Kurdî Abdullah Ocalanî selam kerd.

Rêxistinanê sey Rete Jin, Fridays4Future, Verso il Kurdistan, StudentiIndipendenti tewrê rayraşîyayîşî bîyî paştî daye ci.

Çalakîye de bi pakartan bale ameye antene paradîgmaya Rayberê Şarê Kurdî Abdullah Ocalanî ser û pakartê cinîyan ê şorişgêran ameyî kiriştene. Meydanê Piazza Castello de ‘Libertà per Öcalan’ (Ocalanî rê azadîye) ame nuştene.

Eşkerayîyan de ame vatene ke tek raybero ke azadîya cinîyan paweno Rayberê Şaran Abdullah Ocalan o, coka azadîya ey azadîya heme cinîyan a. Cinîyan vat: ''Têna bi fikranê Rayber Apoyî Rojhelatê Mîyanênî de krîzî eşkenê bêrê çarserkerdene.''

Cinîyan xoverdayîşê şarê kurdî yê mîtîngê 13ê teşrîna verêne yê Amedî zî selam kerd. Çalakîye Piazza Castello de bi govende gedîyaye.