Meclîsê Cinîyan ê HDP’yî encamnameyê konferansê rêxistinbîyayîşî yê cinîyan yo ke mabênê 29-30 Hazîrane de bi şîarê “Emê Rêxistina Xwe Mezin Bikin” (Ma do rêxistinbîyayîşê xo gird bikerê) Enqere da viraşt pare kerd.

Encamname de bale ame antene serê xoverdayîşê cinîyan ser û mucadeleyê cinîyan ê Rojawanî ame vîrardene. Reyna bale ame antene rejîmê dîktatorîye yê Tirkîya ser û ame vatene ke cinîyî seba rijnayîşê nê sîtemî rêxistinbîyayîşê xo xurt kenê.

Cinîyan xoverdayîşê grevê vêşanîye û laçiksipîyan zî vist vîrî û vat:’’ Ma zanê ke ma xetê mucadeleyî  yo ke umîdê şaranê Tirkîya yo, yê. Ma do bi îradeyê sîysetê rayîrê 3. vera  faşîzmî xoverdayîş gird bikerê. Ma do hemleya sîyasetê demokratîkî bidê destpêkerdene. Ma do polîtîya xo yê Ekolojî bidê ciwîyayene û vera şîdet û îstîsmarê serê cinîyan û domanan vengê hîna zaf berz bikerê. Ma do bi heme hetê cinîyan ê bindestan dir mucadeleyê xo yew bikerê û bi paştdayîşê yewbînan hîna xurt bê û ser bikewê.