Cinîyanê herêma Firatî ya Rojawanî derheqê hêrişanê dewleta tirke yê vera Herêmanê Pawitişî yê Medya û xoverdayîşê gerîlayan de ANFyî rê qisey kerd.

Îdarekara Cinîyan ê Ciwanan a Herêma Firatî Firyale Temel dewleta tirke armanc kena ke fikranê Abdullah Ocalanî çin bikera û vat: ''Hêrişê îşxalî serkêşîya YJA-Starî de yenê çinkerdene. Gerîlayanê YJA-Starî verî zî vera DAÎŞî xo ver dabi û Rojawan xelisnabi. Ma venga pêro cinîyan zî dana ke nika wayîrê gerîlayanê YJA-Starî vejîyê. Vera hêrişanê dewleta tirke qetî îradeyê cinîyan ê kurdan do ser bikewo.''

Îdarekara Kongreya Starî ya Herêma Firatî Macîde Hesîn xoverdayîşê YJA-Starî selam kerd û vat: ''Dewleta tirke ya îşxalkere tim cinîyan kena hedef. La cinîyê kurdî xoverdayîşî ra fek vera nêdanê. Îşxalkerî do qetî ser nêkewê. Ma venga pêro cinîyan ê kurdan danê ke yewîya xo awan bikerê û tewirêkî bimojnê îşxalkeran. Senî ke hêrişê DAÎŞî serkêşîya YJA-Starî de ameyî şiknayene ma do bi nê ruhî û îradeyî koyanê azadan de ser bikewê.''