Paytextê Armenîstanî Erîvan de, Meclîsê Yewîyanê Cinîyanê Azadan (YJA) bale ante serê tecrîdkerdişê Rayberê Şarê Kurdî Abdullah Ocalanî û xoverdayîşê grevê vêşanîye û rojeyê mergî.

Tecrîd nêwedarîya; Komploye dewam kena

Sereka Meclîsê Yewîyanê Cinîyanê Azadan Tamar Kalaşyane bi nameyê meclîsî eşkerayîye daye. Eşkerayîye de ame vatene, “Cinîyê Kurdan ê ke Armenîstan de ciwîyenê, tecrîdkerdişê Rayber Apoyî tu cara qebûl nêkenê. Rayberîye reyde pêvînayîşê avûkatan ma kerdê keyfweş, labelê na nêna a mana ke tecrîd qedîyayo. Dewleta Tirkî ya faşîste wazena komployanê xo bidomna.”

Ma bêanorîya ke vera dayîkan ameya kerdene şermezar kenê

Eşkerayîye de hêrişê vera dayîkan ê Kurdan ameyî şermezarkerdene û ame vatene, “Ma bi nameyê cinîyan ê Kurdan ê Armenîstanî, bêanorîya ke vera dayîkan ameya kerdene şermezar kenê; çi hewca keno ma amade yê ke bikerê!”

Eşkerayîye bi qîrayîşê slogananê “Biciwîyo Serek Apo”, “Cuye Cinîye Azadîye” qedîyaye.