Têgêrayîşê Cinîyan ê Azadan (TJA) Sêvê Demîr, Fatma Uyar û Pakîze Nayir ê ke 4ê çeleyê 2016î de xoverdayîşê xoîdarekerdişî yê Silopî de ameybî qetilkerdene; Sakîne Cansiz, Fîdane Dogan û Leyla Şaylemez ê ke Qirkerdişê Parisî yê 9ê Çeleyê 2013î de ameybî qetilkerdene û Evîne Goyî, Mîr Perwer û Abdurrahman Kizil ê ke Qirkerdişê Parisî yê 23yê Kanûna 2022yî de ameybî qetilkerdene bînaya Rêxistina HDPyî ya Riha yad kerdî.

Yadkerdiş de şîîrê Sakîne Cansiz ameyî wendene. Wekîla HDPyî ya Riha Ayşe Surucu yadkerdiş de qisey kerd û pare kerd ke cinîyê şorişgêrî qestî ra ameyî hedefkerdene. Surucuye pare kerd ke dewleta Fransa ganî nê qirkerdişan roşnî bikera û ê do xoverdayîşê nê cinîyan ê şehîdan rê dewam bikerê.

Yadkerdiş bi sloganê 'Şehîd namirin' qedîya.

Meclîsê Cinîyan ê HDPyî yê Semsûrî bînaya xo de kesê ke Paris û Silopî de ameybî qetilkerdene, yad kerdî.