Bi rayberîya TJA û Meclîsê Cinîyan ê HDPyî nêzdîyê se cinîyî, eşkerayîya 8ê Adare ra dima ke merkezê koordînasyonê krîzî yê Islahîye de ameye dayene, Islahîye û Nûrdagi de mexdûranê erdlerzî reyde ameyî têhet.

Serekwekîla Grûba HDPyî Merale Daniş Beştaş, Parlamenterê HDPyî Fîlîze Kerestecîoglu û Muazzeze Orhan zî tede, cinîyan verê zîyaretê çadiranê Islahîye kerd, wekîlan goş da problemanê mexdûran ser o ke meclîs de bêrê nîqaşkerdene.

Ame îfadekerdene ke dewlete û sazgehê aye heta 4 rojanê verênan nêameyê Islahîye. Parlamenter û cinîyanê ke înan reyde yê, mesajê ‘Ma do pîya birînanê xo bipêşê’ da.