Roniştoxanê Efrînî vera teda û zorbazîya rejîmî zî bi hawayêkê nimiteyî xo rêxistin kerdêne û qetî ruhê xo yê serewedaritişî ra fek vera nêdayêne. Bi destpêkerdişê Şorişê Rojawanî akademî û sîstemê xo yê meclîs û komunan  rêxistin kerdî, bîyî afernayoxê Şorişê Cinîyan. Bêguman seba ney zî cinîyan û şarê Efrînî astêka pîle de xo feda kerd. Na fedakarîye 20ê çeleyê 2018î de wexto ke dewleta tirke ya kolonyalîsta Efrîn îşxal kerd zî ameye dîyene. Roniştoxanê Efrînî morê xo da binê xoverdayîşê 58 rojan. Kitabê 'Çagin Mahşerinden Kadin Izleri' (Dewrê Mehşerî ra Rêçê Cinîyan) qala xoverdayîşê bêmabênî yê 58 rojan ê Efrînî keno.

Nuştox Dêrsim Mîrzayî karêkê dergî ra dima kitab 2019 de amade kerd ke tede 33 hîkayeyî est ê. Mîrzayî bale ante xoverdayîş de rolê cinîyan ser. Kitab 2021 de ame çapkerdene.

Dêrsimo ke herêma Cizîre ra şîyo Şehba goş şarî, şiware û deyîranê dadîyan ser.

Kitab de cinîyê Cizîre, Kobanê, Reqa û Minbicî yê ke çeperan de şer kerd, paştîya xo de cebilxane kirişt, çeperî amade kerdî û rixmê zehmetîyan zî şerwanan rê werdî amade kerdî, qala înan yena kerdene.

Peynîya kitabî de zî fotografê hîkayeyan est ê.