Emser Festîvala Cinîyan a Sakîne Cansiz a 9. 26ê hezîrane de şaristanê Zurihî yê Swîsre de do bêra kerdene. Kadroyanê verênan ê PKKyî ra Sakîne Cansiz, Temsîlkara KNKyî ya Parisî Fîdane Dogan û Endama Têgêrayîşê Cinîyan Leyla Şaylemez 9ê çeleyê 2013yî de Paris de ameybî qirkerdene.

Eşkerayîya serê festîvale de ame vatene ke Sakîne Cansiz (Sara) îdola cinîyan ê kurdan a û cinîyê kurdî do fikranê Cansize biresnê pêro dinya.  

Eşkerayîye de wina ame vatene: ''Ma bi şîarê 'Xo ver bidê, xo rêxistin bikerê, azad biciwîyê' venga pêro cinîyan danê ke tewrê Festîvala Sakîne Cansiz bibê. Festîvle 26ê hezîrane de Militarstrasse 36, 8004 Zurih de do bêra kerdene.''

Festîvale de hunermendî JinMa, Xecê, Berfîne Mamedova, Gulane, Berfîne Demîr, dengbêjî, koma govendan do vejîyê sehne ser.  

Warê festîvale de kargehê perwerdeyî, standî do bêrê kerdene û semînerê 'Cinîye û Şer' do bêro dayene. Seba domanan zî festîvale de warê kaykerdişî do est bo.

Nê dezgehî komîteya festîvale de ca gênê:

"YJK-S, TekoJin, Kongra Star, Rosara, Women Defend Rojava, Medico İnternational, Kasama, ADKH, Fist, SKB, PDA, Yeni Kadın, SYKP, Kampus Cadıları, Feda, Frauenstrtreik, Kollektive Zurich, Solifonds, Frauenbundnis, WILPF, BFS, Bruckenschlag, Zurich-Amed Kardeşlik Köprusu, Basta, SP, AL, Revolutionares Quaeer Feministisches Bundnis Basel, Grune."