Têgêrayîşê Cinîyan ê Azadan (TJA) Îstanbul de startê çalakîyanê 8ê Adare Roja Cinîyan a Dinya da. Aktîvîstan qezaya Bagcilarî ya Îstanbulî de seba ke bale biancê xizanbîyayîşê cinîyan û krîzê ekonomîkî ser, bazar de pê quşxane û tawayan çalakîya vengvetişî kerde.

Cinîyan vera xizanbîyayîşî nêrazîbîyayîşê xo mojna û vat: ''Ê qesre de ciwîyenê, hesabê faturayan nêkenê. Ê meraq nêkenê ke domanê ci senî mird benê. Ma nê zulmî qebul nêkenê. Ma sey cinîyan do nê sîstemî bivurnê. Quşxane veng o. Şima nêeşkenê feqîran ra bigêrê û bidê zengînan. Cinîyî do ney qebul nêkerê.''

TJA da zanayene ke ê do çarçewa ''Pêvînayîşê Pîlî yê Cinîyan'' de 6ê adare de Rihtimê Kadikoyî de bêrê yewca. TJA venga pêro cinîyan da ke tewrê pêvînayîşî bibê.