Festîvala Sakîne Cansiz ya 8. emser 22ê tebaxe de şaristanê Zurichî yê Swîsre de adresê Zeughausareal, Kanonengasse 20, 8004 Zurich (1 Mai Platz) de do bêra kerdene.

Rayberanê Têgêra Cinîyan ê Kurdan û PKKyî ra Sakîne Cansiz, Temsîlkara KNKyî ya Parisî Fîdane Dogan û Endama Têgêrayîşê Ciwanan Leyla Şaylemez 9ê çeleyê 2013î de Paris de ameybî qetilkerdene. Semedê vîrameyîşê 3 şorişgêran her serre Swîsre de Festîvala Sakîne Cansiz yena kerdene. 

Festîvale rayberîya Yewîya Cinîyan ê Kurdan a Swîsre (YJK-S) de bi şîarê 'Vera qirkerdişê cinîyan ma xoverdayîşî pîl bikerê' yena kerdene.  Festîvale de Kewê, Jala, Dîlan Top, Vengê Destar, Hozan Gulan, Medî, POP Chestra, komeê def û govendan do vejîyê sehne ser.

Xeyma festîvale de do qala tradîsyonê dengbêjîye bêro kerdene û kulturê kurdan pê piramotişan bidîyê şinasnayene. Festîvale de derheqê têkoşînê Sakîne Cansiz de panelêk do bêro serûberkerdene.

Komîteya Amadekare ya Festîvale venga pêro cinîyanê kurdan û Swîsre da ke wa tewrê festîvale bibê. 

Nê dezgehê cinîyan festîvale serûber kenê: YJK-S, TêkoJIN, Kongreya Star, Defend Kurdistan, Rosara, Women Defend Rojava, Medico International, Fraun Lesben Kasama, Fist, PDA, Yenî Kadin, Kolektîfa Mor Sor, Frauenstreik, Kolektive Zurich, Solifonds, Frauenbundnis, Weltfrauenkonferenz, Frauencafe, SKB, Brückenschlag Zürich-Amed, Labyrinthplatz, ADKH, BASTA, SP, AL, Pîrhebokên Kampusê, FEDA, Revolutionäres Queer Feministisches Bundis Basel, Grune, Kevana Zêrîn, Mor Verein.