Cinîyî Festîvala Sakîne Cansiz ya 8. de pê şîarê 'Vera qirkerdişê cinîyan têkoşînî pîl bikerê' ameyî yewca. Festîvale rayberîya 38 dezgehanê cinîyan de şaristanê Zurihî de yena kerdene û emser dîyarîya Denîze Poyraz bîye.

Xeylêk cinîyî tewrê festîvale bîyî, warê festîvale pê fotografanê cinîyan ê kurdan ê rayberan xemilîya û war de fotografê Denîze Poyraz û Sakîne Cansiz ameyî daliqnayene. Amadekarîyê festîvale serê sibayî qedîyayî.

Çarçewa festîvale de panelî zî yenê serûberkerdene. Festîvale pê qiseykerdişê endamanê YJK-Syî Hedîye Munzur û Fîdane Guler dest pêkerde û heta şewe do dewam bikera.

Adresê festîvale wina yo: Zeughausareal, Kanonengasse 20, 8004 Zürich (1 Mai Platz)