Kadikoyê Îstanbulî de endamê Cinîyê Ciwanî yê Azadî (OGK) seba ke bale binacê rewşa Gulîstane Doku ya ke 13 rojî yo vînîbîyaye ya û yeno îdîakerdene peynîya cuya xo arda çalakîyêke organîze kerde.

Eşkerayîye de ama vîrardene  ke 13 rojî yo cigêrayîşê Gulîstane Doku dewam kenê û ame vatene ke polîs, leşker û ekîbê cigêrayîşî zanayîşê raştî nêdanê, werte de çîyê ko şikdar esto. Eşkerayo ke hayîya dewlete pê esto ke çi ameyo  serê Gulîstene Doku la nimnenê. Cinîyan vat sey her tecawuz û qetilkerdişê cinîyan serê nê qewimîyayîşî zî yeno girewtene.Eşkerayîye bi nê vatişan qedîyaye: ''Wa dewleta camêrd zaf hol biazano ke ma cinîyî zaf qerardarê ma do heta peynî vera zulmê nê îqtîdarî payra bê. Êyê ke wazenê bi hêrişan xoverdayîşê Dêrsimî û cinîyan bişiknê xeletê ma do peyser game nêerzê. Heta ke Gulîstane Doku bêro vînayene ma  do payan ser bê. Wa Gulîstane Doku cade bêro vînayene.''