Koma Kampanyaya Peymana Îstanbulî Bîyarê Ca Kadikoy de rixmê pêro astengîyan û ablûqaya polîsan zî çalakîya rayraşîyayîşî kerde û kişîyayîşê cinîyan şermezar kerd. Çalakîye de fotografê camerdan ê kiştoxî ameyî akerdene.

Çalakîye de sloganê sey 'Cinîyan nê kiştoxan asteng bikerê', 'Camêrdî danê piro, dewlete pawena', 'Ma seba cuyanê xo, azadîya xo îsyan de yê' ameyî vatene.

Nameyê Koma Kampanyaya Peymana Îstanbulî Bîyarê Ca ser o Havva Cuştan eşkerayîye wende. Cuştane kişîyayîşê Aleyna Çakir û Azra Gulendam Haytaoglu vistî vîrî û îfade kerd ke êyê ke Peymana Îstanbulî betal kerda mesuldarê nê cînayetan ê. Cuştane pare kerd ke her roje cinîyî yenê qetilkerdene û betalkerdişê Peymana Îstanbulî zî cesaret dana kiştoxan.

Cuştane vat: ''Ma sey cinîyan vera pêro cînayetan îsyan de yê. Semedo ke ma ra hînî yewna tene kêm bêna kuçeyan de têkoşînê xo rê dewam bikerê.''

Çalakîye pê sloganan qedîyaye.