Pêkerdişê Îstanbulî ke hetê Erdoganî ra ame batelkerdene do 1ê temuze de temamî de rayraberdişî ra bêro wedaritene. Verê nayî Platformê Semedê Seyyewbînîye yê Cinîyan, Warê Aktîvîteyan ê Maltepeyê Îstanbulî de Mîtîngo Pîl ê Cinîyan organîze kerde.

Çar hetanê welatî ra bi hezaran cinîyî tewrê mîtîngî bîyî. Cinîyî bi sloganan mesajê xurtkerdişê têkoşînê cinîyan dayî û hêrişê îqîtîdarî yê vera cinîyan şermezar kerdî. Mîtîng pê deyîranê hunermendan dest pêkerd.

Nuştoxe Ayşene Şahîn vist vîrî ke Pêkerişê Îstanbulî yo ke Meclîs de pê yewîya reyan ame qebulkerdene pê qerarê Serekkomarî têna ame betalkerdene ke çîyo winayên nêno qebulkerdene.

Cinîyê ke hetê camêrdan ra ameyî qetikerdene nameyê înan ameyî wendene û Denîze Poyraza ke hêrişê vera HDPyî de ameye qetilkerdene ameye yadkerdene.

Reyna qiseykerdoxanê bînan zî polîtîkaya hêrişkarê ya vera cinîyan şermezar kerd û ard ziwan ke do çirey heqê xo yê ke fînayî dest, înan cameverdê.