Aktîvîsta TJA û Hemşaredara Erdîşî Yildize Çetîna ke herinda ci de qeyûm amebi tayînkerdene, ANFyî rê qisey kerd û pare kerd ke cinîyê Wanî seba Roja Têkoşînê Vera Şîdetê Serê Cinîyan a  25ê Teşrîna Peyêne xo amade kenê.

Yildize Çetîn îfade kerd ke ê kewtî prosesê kampanyayan û vat: ''Ma do sey her serre emser zî 25ê Teşrîna Peyêne pêro kuçeyan de derbaz bikerê. Tirkîya de her roje cinîyî kuçeyan de, zîndanan de û keyeyanê xo de raştê teda yenê û yenê qetilkerdene. Seba ke peynîya qetilkerdişê cinîyan bêra ma do her warî de têkoşînê xo rê dewam bikerê.''

Çetîne pare kerd ke aktîvîstê TJA nika famkerdişê cînsîyetperestîye ser o xebata kargehî kenê û vat: ''Xeylêk embazê ma tewrê na xebate benê. Ma xîret kenê ke mîyanê komelî de ferasetê têdûştîya cînsîyetan vila bikerê. Ma naye ser o dest pê kampanya kenê.''