Platformê Cinîyan ê 25ê Teşrîna Peyêne yê Îstanbulî qerarê cezaya 15 serran a ke dîyaye Çîlemê Dogan Kadikoy de protesto kerd. Çileme Dogan vera merdêyê xo ê ke aye rê bihewayêkê sîstematîkî şîdet kerdêne û ci rê fuhuş ferzkerdêne heqê xo yê xopawitişî şuxulnabi û o kiştbi.

Cinîyê ke Kadikoy de ameyî têhet pê sloganan û dovîzan waştişê edaletî ard ziwan û mesajê xoverdayîşî dayî. Bi nameyê cinîyan eşkerayîye hetê Ruha Kurtuluş ra ameye wendene.

Kuruluşe bale atne ser hukmê camêrdî yo ke camêrdanê qetilkerdan û tecweuzkaran serbest vera dano cinîya ke xo pawena ceza keno. Kurtuluşe vist vîr ke Çîlemê Dogan bi serran senî şîdet dîyo û rixmo ke dezgehanê dewlete ra hetkatî waşto tim raştê şîdetî ameya, peynî de mecbur emnda ke merdeyê xo bikişo  û vat: ''Dewleta ke vera şîdetî Çîleme nêpawit seba ke a nêmerda reyna ceza dana ci. Dewlete herinda tepişteyê qetilkaranê cinîyan de cinîyan ê mexduran ceza kena. Pê nê qerarî cinîyan rê yeno vatene ke ti bimirî zî vengê xo mevejê. Ma cinîyî her şertan de semedê ciwîyayîşî têkoşîn kenê. Ma pêro pîya wayîrê yewbînan vejîyenê û xoverdayîşê xo pîl kenê. Ewro ra tepîya Pêkerdişê Îstanbulî ma yê. Ma tîya ra reyna vanê. Heme têkoşîn û çalakîyê ke ma semedê pawitişê cuya xo kenê meşrû yê. Cezakerdişê cinîyan ê ke cuya xo pawenê, ma qebul nêkenê.''

Reyna Anqara, Mersin, Antalya û Adana de zî cinîyan pê çalayan qerarê vera xoapwitişê cinîyan protesto kerd û vat ê do çirey vera neheqîye milê xo çewt nêkerê.