Dimayê qetilkerdişê Emîne Bûlûte cinîyî vejîyayî meydanan û hêrişê camêrd û polîtîkaya hêrişkare ya dewlete ya vera cinîyan protesto kerd.

Dimayo ke cinîya bi nameyê Emîne Bûlûte hetê mêrdeyê xo yê verênî ra verê çimanê kênaya xo de ameye qetilkerdene, cinîyî wiriştê payan ser. Seranserê Stenbolî cinîyî bi slogana ‘ Ma huş nêkene, nêtersenê, îtaat nêkenê’ çalakîyî viraştî. Kadikoy de cinîyê anarşîstî vernîya îskeleyî de ameyî têhet û seba ke bale binance serê qetilkerdişê cinîyan boyaxo sûr rişna.Cinîyî bi slogananê ‘Camêrd kişeno, dewlete pawena’  û ‘ Cinî cuye azadîye’ qêrayî û waşt ke qetilkarê cinîyan bêrê cazakerdene û polîtîkaya dewleta ya vera cinîyan bêro bedilnayene.