Gerîlaya Komalanê Cinîyan ê Azadîya Rojhelatî (KJAR) Uta Doxuruzgari derheqê metodaê şerê taybetî yê Îranî yê vera Rojhelatê Kurdîstanî de ANFyî rê qisey kerd. Qiseykerdişê aye ra beşêk wina yo:

''Ma sey cinîyanê kurdan roşnîya xo felsefeya Rayber Apoyî de vînenê. Felsefeya Rayber Apoyî cinîyan ê kurda û Rojhelatê Mîyanênî rê bîya bingeyê artêşbîyayîşî û rêxistinîya cinîya. Têkoşînê ma têna semedê cinîyan ê kurdan nîyo têkoşîê ma semedê azadîya komelî yo. Semede netewebîyayîşê cinîyan şerêko pîl yeno dayene. Ganî pêro cinnîyî nê esasî ser o yewîya xo awan bikerê. Wa cinîyê afganî zî yewîya xo awan bikerê û sey cinîyanê Rojawanî vera Talîbanî şer bikerê. Cinîyê afganî wa xo sey sembolêke biercnê û tewrê nê xoverdayîşî bibê. Cinîyan ê ereban mîyanê YPJyî de xo bihêzêr kerd, rêxistina xo awan kerde, vera DAÎŞî şer kerd. Ganî cinîyê afganî zî wina bikerê.

Rejîmê Îranî keno ke pê polîtîkayanê şerê taybetî cinîyî komelî ra dûr bibê, cewherê xo vînî bikerê. Coka rejîmê Îranî cinîyan rê zewajê emrê qijî, qirkerdişê cinîyan, polîtîkaya tacîz-tecawuzî ferz keno. Cinîyî eşkenê pê yewîya xo heqê nê kerdişan ra bêrê. Ma eşkenê Rojhelatê Mîyanênî de kayanê hêzan xera bikerê ke şero hîrêyî yê dinya dayo destpêkerdene. Ganî ma sey cinîyan erd û welatê xo azad bikerê, xo rêxistin bikerê, cuya azade biafernê û paştî bidê yewbînan.''