Sekretera Cinîyan a Konfederasyonê Sendîkaya Kedkaranê Umûmîye (KESK) Done Gevher Koyun derheqê warê karî de rolê cinîyan de ANFyî rê qisey kerd.

Done Gevher Koyun da zanayene ke cinîyî semedê koçberîye, serebûtanê tacîz û tecawuzan û vîrusê Korona dinya de warê dezavantijînî de yê.

Gevhere îfade kerd ke hûmara cinîyan ê betalan her ke şina zêdîyena û vat: ''Polîtîkayê neolîberalî, hêrişê AKPyî yê vera destkewteyanê cinîyan kenê ke na hûmare vera bizêdîya. Cinîyê ke dewanê xo de heywankarî û zîret kerdêne vengkerdişê dewan û koçkerdişî ra dima şaristanan de bîyî hêzê ercanî yê kar û kede.

Bi taybetî Korona ra dima cinîyî zêdêr xizan bîyî. Cinîyî herinda kedwerdişî de betalmendişî tercîh kenê, ewnîyenê domananê xo. Çunke heqê keda înan kêmîyayo. Biewnê pêvînayîşanê TÎSî de zî ca nêdîya temsîlîya cinîyan. Ganî cinîyî têkoşînê sendîqayan de ca bigêrê û heqanê xo bipawê. Ez venga pêro cinîyan dana ke 27ê tebaxe de ber mearê, kar war verdê. Ma pîya semedê têdûştîye bixebitê.''