Cinîyan  Bruksel û Frankfurt pê çalakîyan betalkerdişê Peymana Îstanbulî şeremzar kerd  û Basel de zî paştî daye Mayanê Haştîye.

Şaristanê Brukselî yê Belçîka de cinîyî pê nameyê "SaveIstanbulConventionBelgium" verê Konsolosxaneyê Tirkîya de  kom bîyî. Cinîyan wedaritişê Peymana Îstanbulî protesto kerd û vist vîrî ke Tirkîya de qirkerdişê cinîyan asta tewr berze de yo. Cinîyan dima verê Konsolosxaneyê Ewropa de çalakîyêke kerde. Wekîlê ewropayîjî yê sey Terry Reintke, Sarah Schlitz û aktîvîstê Campagne Rosa zî tewrê çalakîye bîyî. Cinîyan da zanayene ke ê do peymana Îstanbulî ra fek vera nêdê.

Şaristanê Frankfurtî yê Almanya de vengdayîşê Women Defend Rojava û Paştdayîşê Cinîyan ê Ewropa ser o çalakîyêke ameye kerdene. Xeylêk cinîyî tewrê çalakîye bîyî û înan wedaritişê Peymana Îstanbulî şermezar kerd. Cinîyan pare kerd ke ê do heta peyên Peymana Îstanbulî 3u destkewteyanê xo yê bînan bipawê. Çalakîye pê sloganan qedîyaye.

Şaristanê Baselî yê Swîsre de zî cinîyan û kurdîstanijan dewaya vera Mayanê Haştîye protesto kerde. Temsîlkara Rêxistina Efû ya Mîyanneteweyî Maja Hoscman zî tewrê çalakîye bîye. Çalakîye de pankartê sey 'Ma wazenê aqîbetê merdimanê xo bizanê, mesuldarî wa hesab bidê' ameyî akerdene. Çalakîye pê sloganan qedîyaye.