Cinîyî xo seba Festîvala Cinîyan a Zîlane ya 17. amade kenê ke festîvale do paytextê Îngilîstanî London de bêra kerdene. Festîvala bi şîarê 'Xo ver bidê, xo rêxistin bikerê û azad biciwîyê' 26ê hezîrane de ya.

Festîvale de xeylêk aktîvîteyî do ca bigêre. Festîvale adresê Kurdish Community Centre, 11 Portland Gardens, Harringay Ladder, London N4 1HU de, saete 15.00 de do dest pêbikera. Hunermendî Ayfere Duzdaş, Suna Alan, Paula Darwîsh, Sevîme Aslan, Group Yade, Group Pîro û Kurdish Womens' Choir do festîvale de vejîyê sehne ser.

Festîvale de şovê dahol û zurna reyde, pêramotişê kincanê neteweyîyan, mojnayîşê sînevîzyonî, standê werdan, warê kaykerdişê domanan do cabigêrê.

Meclîsê Cinîyan ê Jîyane bi eşkerayîyêke venga pêro cinîyan da ke tewrê festîvale bibê. Meclîsê Jîyane vat: ''Ma do bi şîarê 'Xo ver bidê, xo rêxistin bikerê û azad biciwîyê' bêrê pêser, deyîranê xo vajê, govende bigêrê, mesajê qerardarîya xoverdayîşî bidê. Deyîr, vate û sloganê ma do serê xoverdayîşî bibê.''