Avûkate Turkane Gulîstan Tekîn waştêne camêrd F.G.yî vera bida û welayetê kênaya xo zî girewt. La rayîrê Dîclekentî yê qezaya Peyasî yê Amedî de avûkate û kênaya ci hetê F.G. ra ameyî remnayene.

Avûkate Tekîn îdîa kerdbi ke F.G. kênaya ci ya 2 serre û nême remnabî û mengêke tira xebere nêameye girewtene. Avûkate Tekîn raştê hêrişê F.G.yî amebî û rewşe bi aplîkasyonê KADESî polîsan rê pare kerdbî. Gerreyê avûkate Tekîne ser o polîsan F.G. destbend kerdbî û o berdbi qereqol. Îfade ra dima kêna dîyabî dadîya ci.