13ê adare ra nata rejîmê Şamî vera Taxanê Şêxmeqsûd û Eşrefîyê yê Helebî ambargoyêkê giranî keno. Rejîm nêverdeno ke kamyonê werd û xidayî debikewê taxan. Taxan de depoyê ardan bîyî veng. Rixmê ambargoyî zî dadîyî qerardar ê ke xo ver bidê.

Dayîke Fatma Mihemed îfade kerd ke rejîm vano qey ambargoyî ra şar teslîm bibo la no xeyalêk o. Dayîke Fatma vat: ''Şarê Şêxmeqsûdî mîyanê xoverdayîşî de bi pîl û pê îradeyê xo abluqayan do birijno.''

Dayîke Zeynebe zî ard ziwan ke ê do sereyê xo mearê war û vat: ''Ma pêro hewcedarîyanê xo, bi xo anê ca. Ma ardanê xo ra mendeyan ra nanê xo pewjenê. Seba ke kolî û mazot çin ê, ma pê eşteyanê kincan nanê xo pewjenê. Ma soz danê ke pê deyîranê xo, xoverdayîşê xo bizêdînê.''

Destpêkê şerê Sûrîye ra nata taxê Şêxmeqsûd û Eşrefîyê hedefê cergan de yê û cergî kenê ke nê taxan ra kurdan vejê. Rejîmê Şamî dima ke vera YPG û YPJyî de bin kewtbi, 2011 ra nata vera taxan ambargo keno. 

Binê ambargoyî de roniştoxê taxan nêeşkenê xo biresnê malzemeyanê weşîye, derman û xidayan. Sere de Neteweyê Yewbîyayeyî rêxistinê heqanê merdiman  vera nê kerdişan û ambargoyî bêveng ê.