Dayîke Necate Musaya 67 serre roja ronîyayîşê ci ra nata mîyanê Hêzanê Xopawitişî yê Komelkîyan (HPC) de ca gêna.

Necate Musa ANFyî rê qisey kerd û pare kerd ke a mîyanê cepheyê xopawitişî de aram û şay a.

Dayîke Necate vat: ''Ma keyeyê xo û erdê xo do bipawê. Cinîyê Rojawanî û pêro parçeyanê Kurdîstanî ganî keye û erdê xo bipawê. Ma pêro mesuldarîyanê xo anê ca. Eke ma erdê xo mepawê kam do bipawo? Xopawitiş awe ra zêdêr hewce yo. Erdê ma rûmetê ma yo. Erkê pawitişî têna erkê gerîlayan, YPG, QSD û YPJyî nîyo erkê ma pêroyînan o.

Pêro keyeyê ma taburêk o, ma şagîrtê Rayber Apoyî yê. Domananê xo rê dest pê xopawitişî bikerê. Înan rê welatî bidê şinasnayene. Sey cinîyan ma eşkenê her çîyî bikerê.''