Vehîbe Seydî Temo (63) ya ke eslê xo de kobanêyij a 40 serrî Serêkanîyê de ciwîyaya û inkey rîyê hêrişanê îşxalî yê dewleta tirke ra banê xo caverdayo û kampe de manena.

Dayîke Vehîbe vat: ''Ma têna eşkayî kincanê xo bîgêrê. Înan nêvatenêne extîyar, cinî, doman ma ser o bombayî varnayêne. Ma her çîyê xo xo dima verda ameyî Hesekê. Serêkanîyê de bana ma û erazîya ma bibî. Ma herra xo de citkarîye kerdêne. Keyeyê ma yo hîra bibi û ma eşkayêne îdareyê xo bikerê. Inkey çîyêk ma destê de nêmend. Ma nêzanê banê ma vêşnayo, rijnayo ya zî çeteyî tede manenê. Ma herre û banê xo ra dûrî de mendî. Na rewşêka zaf zehmet a. Ma verî keyeyê xo de ciwîyayêne inkay xeyman de sey macîran ciwîyêne. Ma ge vêşan ge ge bêhewn manenê. Ma destî ra tiway nîno.  Ez tim roja agêrayîşê Serêkanîyê kena. Ez xeyal kena ke ez keyey û cîranan ê xo reyde ameya têhet. Heme keyeyê ke Serêkanîye ra vejîyayî inkey tengayî ancenê. Roja ke ez do agêrê Serêkanîyê do bibo roja mi tewr rinde. Heta ke Erdogan û DAÎŞ Serêkanîyê de bê ma nêeşkenê agêrê. Erdogan domananê ma qetil keno. Şar pabesteyê herre, keyeyê xo yo.  Bi hezaran kesî rîyê hêrişanê Erdoganî ra bananê xo ra bîyî. Erdogan semedê dizdîye, talan û qirkeridşî ame Serêknîyê.''