Cinîyan ê sîyasetmedar, rojnameger, roşnvîran ê 18 şaristananê Iraqî bi eşkerayîyêke îlan kerd ke ê tewrê kampanyaya 'Vera qirkerdişê cinîyan bibê vengê xopawitişî bibê' ya TAJÊ benê. 

Cinîyan eşkerayîya xo de pare kerd ke sîstemê îqtîdaran qestî ra hêrişê cinîyan keno û bi nê hawayî keno ke şexsê cinîyan de komel qir bikero. Cinîyan ard ziwan ke ganî cinîyî vera qirkerdişan têkoşîn bikerê û bi felsefeya 'Jin, Jiyan, Azadî' têbigêrê.

Cinîyan bale ante ser ke pêro şeran de hêverî cinîyî raştê hêriş û kerdişanê xiraban yenê

Cinîyan vist vîrî ke wextê Fermanê 3yê Tebaxe de DAÎŞî raşta raşte hêrişê cinîyan ê êzidîyan kerdo. Cinîyan dîyar kerd ke kampanyaya TAJÊ seba azadî û têkoşînê pêro cinîyan zaf girîng a. Cinîyan vat: ''Coka ma beşdarê na kampanya benê. Ma do pîya vera qirkerdişê cinîyan têkoşîn bikerê. Bi yewîya cinîyan ma do vengê xo vera qirkerdişî berz bikerê û bibê vengê xopawitişî.''