Buroyê Çapemenîye yê DEM Partî ke derheqê rewşa weşîya Sirri Sureyya Onderî de zanayîş pare kerd.

Eşkerayîye de nê ameyî vatene: ''Goreyê zanayîşanê ke doktaran dayî rewşa Onderî stabîl a, tedawîya ci ya ciewnîyayîşê giranî dewam kena. Hetê bînî ra zîyaretê nêweşxaneyî dewam kenê. Endama Heyetê Îmraliyî Pervîne Buldan, Vervatoxa ma Ayşegule Dogan, Serekwekîlê Grûba ma Gulîstane Kiliç Koçyogit û Sezai Temelli wekîl û îdarekarê ma nêweşxane de pawenê.

Xeylê heyetê sîyasîyî, şexsîyet û temsîlkarê dezgehanê komelê sîvîl vizêr cêmê şan û ewro nêweşxane zîyaret kerd. Vizêr saetanê veraşanî de Hetkarê Serekkomarî Fuat Oktay, Serekê Pêroyî yê Newera Partîya Refahî Fatih Erbakan, wezîra verêne Derya Yanik û xeylê kesan nêweşxane zîyaret kerd.

Ewro zî Dayîkê Şemeyî, Serekwekîlê Pêroyî yê AKPyî Efkan Ala, Hetkarê Serekê Pêroyî yê CHPyî Yalçin Karatepe, wezîro verên Mehtî Eker, heyetê Partîya Saadetî  û hunermendê sey Yavuz Bingol û Oktay Kaynarcayî û xeylê wekîlî ameyî zîyaret. Reyna Cemil Çîçek zî bi telefonî îdarekaranê ma ra derheqê weşîya eyde zanayîş girewt.

Partîya ma seba ke nêweşxane de wa zaf sixletî nêbo bajar û qezayan de zî rêxistinanê partîya ma de zîyaretanê şîfawaştişî qebul kena. Bi hezaran kesan rêxistinê ma zîyaret kerdî şîfa waşte.''