Dep de cinîyêke hete qoricî ra ameye qetilkerdene
Depê Xarpêtî de cinîya bi nameyê Remzîye Apaydina ke şeş mengî yo vînîbîyaye ya, vejîya werte ke hetê qoricî Nihat Cavî ra ameya qetilkerdene.
Qezaya Depî ya Xarpêtî de cinîya bi nameyê Remzîye Apaydina ke 6 mengî yo vînîbîyaye ya cenzaya ci baxçeyêk de definkerdene ameye vînayene.
Ame tespîtkerdene ke Remzîye Apaydina ke şeş mengî yo vînîbîyaye ya, tewr peynî de wesayîtê qoricî Nihat Cavî de ameya vînayene. Kiştoxo ke ame destbendkerdene îtîraf kerd ke ey Remzîye Apaydin kişta û baxçeyê keyeyêkî de defin kerda. Cayo ke kiştoxî ramojna de xebata kendişî ameye kerdene û cenazaya cinîye ameye vetene.
