Mehkemeya Îdarî ya  Berze bire dabî ke feshkerdişê Peymana Îstanbulî do nêra betalkerdene. Vera bira mehkeme nêrazîbîyayîşî dewam kenê.

Platformê Cinîyan ê Dêrsimî zî Kuçeyê Hunerî yê şaristan de pankarta bi nuşteyê 'Ma Peymana Îstanbulî ra fek vera nêdanê' akerde û pê eşkerayîyêke bira mehkeme protesto kerde.

Endama Platformî Nurşate Yeşîl çalakîye de qisey kerd û ard ziwan ke pê feshkerdişê Peymana Îstanbulî kiştoxî yenê pawitene û vat: ''Mehkemeya Îdarî ya Berze bi na bire reyna îmza daye binê şîdetê serê cinîyan û qirkerdişê cinî û domanan. Ma sey cinîyanê Dêrsimî na bira bêhuqûqe nêşinasnenê, qebul nêkenê. Ma seba caardişê Peymana Îstanbulî heta nika kuçeyan de têkoşîn kerd û ma do bikerê. Ma do Peymana Îstanbulî nêverdê însafê 'yew camêrdî.' ''