Dêrsim de cinîyan xespkerdişê şaredarîya xo bi  rayraşîyayîşêkî protesto kerd., Amed, Çewlîg, Xarpêt, Andana, Mersin ra xeylê cinîyî semedê çalakîyî ameyî bajarî. Cinîyî Kuçeyê Hunerî de ameyî têhet û bi slogana “Jin, jiyan, azadî"  ver bi Şaredarîya Dêrsimî rayra şîyî.

Hemsereka DEM Partî ya Dêrsimî Esma Ateş vat qeyûm zulm o ma nê qebul nêkenê.

Vervatoxa Meclîsê Cinîyan ê DEM Partî Halide Turkoglu zî  nê vatî: ''Qeyûm hem dişmenê cinîyan hem dişmenê kurdan o. Polîtîkaya qeyûmî poltîkaya faşîzmî ya. Dêrsimîjî qeyûmî qebul nêkenê.Cinîyê Dêrsimî vera nê sere darenê we. Hemserekanê ke kelemçe kenê, bi cezaya hepsê keyeyî wazenê nê îradeyî bişiknê. Hem xesp kenê no zî qîm nêkeno cinîyê ke vera nê vejîyenê kelemçe danê destê ci ro. Bi serrano rixmê bedelanê girdan ma peyser game nêeşt. Ma semedê azadîye kerdo xo çeng. Fîkîr, zerrîya ma, rûhê paştdayîşî kuçeyan de yo. Xoverdayîşê Birsene Orhan xoverdayîşê cinîyan o. Bedelê ci çi beno wa bibo ma do têkoşînê xo bidomnê.''

Hemşaredara Bajarê Pîlî yê Mêrdinî Devrîme Demira ke wezîfeyê ci ameyo xespkerdene, bale ante xoverdayîşê cinîyan û kurdan ser û vat: ''Şar meydanan de wayîrê îradeyê xo vejîyeno. Ma tîya ra sey cinîyan û kurdan vanê ke ma do îrade yê xo teslîmê polîtîkayanê şima mekerê. Birsene Orhan vera qeyûmî milê xo çewt nêkerd. Beno ke ewro keyeyê xo de yena hepskerdene la fîkrê ma azad ê. Ma do o pîya bi fîkranê xo her waranê cuye de bibê.''