Komeleya Paştdayîşî ya Cinîyan a Roja Newîye ya Dêrsimî çarçewa Roja Têkoşînê Vera Şîdetê Serê Cinîyan de waşt ke taxan û merkezê şaristanî de standan abikera, broşuran vila bikera û anket bikera. Komele 10 rojî verî muracatê walîtîye kerd. Walîtîye destûr nêda aktîvîteya cinîyan.

Walîtîye bi bahaneya 'janê Korona' û 'qedexeyê aktîvîte û çalakîyan' muracatê cinîyan red kerd.

Avûkate Çagla Yolaşan vera bira walîtîye nêrazîbîyayîşê xo mojna û vat: ''Broşuranê ma de polîtîkayê cinîyan ê îqtîdarî pê tay îfadeyan rexne benê. Ma vanê qey walîtîya nê îfadeyan ra semed aktîvîte red kerde. Hende cinîyî werteyê rayîrî de kişîyenê. Xora ma îqtîdarî rexne kenê. Ma do na bira walîtîye berê mehkeme. Ma venga pêro cinîyanê Dêrsîmî danê ke ma het de bibê, vera şîdetî ma pîya têkoşîn bikerê.''