Komeleya Heqanê Merdiman a Kurdîstanî da zanayene ke Sersefîrîya Îstanbulî ya Îranî dest na pasaportê aktîvîsta kurda kîrmanşahije Farzanehe Jalalî ser.

Komele pare kerd ke rîsk esto ke Farzanehe bêra tepiştene û sînorê Tirkîya ra bêra vetene. Komele keyepelê xo de eşkera kerd ke Farzanehe Jelalî seba ke pasaportê xo bikera newe şîye sersefîrîye la ci rê ame vatene ke derheqê ci de dewa esta û cezaya zîndanî girewte. Ferzandehe sersefîrîye de îfade da û ci ra ame perskerdene ke eleqeyê ci bi partîyanê kurdan esto yan nê. Dima zî dest nîya pasaportê ci ser.

Komele da eşnawitene ke xeylêk aktîvîstê kurdî hetê Tirkîya ra ameyî destbendkerdene û erşawîyayî Îran. Nê kesî hema zî tepişte yê û  înan rê cezaya dardekerdişî ameye dayene.

Komeleya Heqanê Merdiman a Kurdîstanî îfade kerd ke 26ê adara 2017î de Farzanehe Jelalî  Kirmanşah de hetê îstîxbaratî ra amebî tepiştene û 13ê adare de bi kefaletî vera dîyaye.