Meclîsê Cinîyan ê HDPyî û Meclîsê Cinîyan ê Komeleyanê Elewîyan ê Demokratîkan (DAD) dewa Merxoyî ya Dêrsimî de ke dewa Aysele Tugluk a, seba tepişteyanê nêweşan û Tugluke eşkerayîye daye. Cinîyan eşkerayîye de fotografê Tugluke akerdî û çirayî vistî ta.

Hemsereka DADî Kadrîye Dogan waşt ke sere de Aysele Tugluk wa pêro tepişteyê nêweşî bêrê veradayene. Dogane vat: ''Aysele domana cograyaya Dêrsimî ya. Aye vatêne 'Vindertiş karê mi nîyo, karê mi awankerdişê heqanê merdiman ê komelê mexdûrî yo.' A abîdeyêk a. Ma wazene Aysele wa bêra veradayene.''

Hemsereka HDPyî ya Dêrsimî Nazlî Çelîk Oz zî îfade kerd ke ê bi hêzê Tugluke têkoşînê xo rê dewam kenê û vat: ''Ma hêvîdar ê ke nê çirayî do Aysele û embazanê ma yê cinîyan rê şîfa bibê.''

Nurşate Yeşîl dîyar kerd ke Aysele bi neheqî zîndan de tepişîyena û vat: ''Şexsê Aysele de wa pêro tepişteyê nêweşî bêrê veradayene.''

Qiseykerdişan ra dima loqmayî ameyî vilakerdene. Cinîyî şîyî zîyaretê gorê dadîya Aysele Tugluk.