Dewanê herêma Xisorî ya Semsûrî de amadekarîyê zimistanî dewam kenê. Dewan de nika ra bastêq, kesme, eşkijî, tirşî, îsot û sebzeyê wişkî hetê cinîyan ra ameyî amadekerdene. Nika zî cinîyî semedê rojanê serdan ê zimistanî lihêf û doşekan kenê de. Cinîyî verî purtê xo şiwenê û kenê ziwa, dima zî pê derzînan dest pê dekerdişê lihêf û doşekan kenê.

Dewa Kistanî de Gonule Alagoz qala amadekarîyanê înan kerde û vat: ''Ma hamnanan engûranê xo arê danê, verî qezananê pîlan de girnenê dima zî binê tîje kenê wişk. Zimistanan zî kişta çayî de eşkijê xo wenê, pê fekê xo kenê şirîn û meymananê xo rê îkram kenê. Ma toraq, pendîr zî virazenê. Sebzeyan kenê wişk, tirşîya xo virazenê. No qayde bara ma ya zimistanî bena sivik. Ma nêşinê marketan ra çîyêk nêhêrinenê.''

Alagoze îfade kerd ke semedê zimistanî înan purtê xo rakerdî û dest pê viraştişê balişna, lihêf û doşekan kerd. Alagoze vat: ''Zimistan zaf serd o. Lihêfê bînî ma germin nêkenê.''