Îqtîdarê AKP-MHPyî seba betalkerdişê Peymana Îstanbulî dewa akerdbî. Dayîreyê 10. yê Mehkemeya Berze de roniştişê dewa dest pêkerd. Xeylêk avûkat û dezgehê cinîyan tewrê dewa bîyî.

Bi bahaneya 'salone bîya de' destûr nêdîya ke cinîyî û avûkatî debikewê salone. Serekê mehkeme dima ferman da ke cayêko veng çin o û cinîyî reyna kewtî salone. Xeylêk kesî teber de mendî.

Roniştişî ra verî dezgehanê cinîyan eşkerayîye daye û qisey kerd. Cinîyan pare kerd ke ê do qetî meverdê ke Peymana Îstanbulî bêra betalkerdene.

Eşkerayîye ra dima polîsan hêrişê cinîyan kerd û cinîyêke birîndar kerde. Cinîyan dest pê çalakîya roniştişî kerde û kewtî bînaya mehkeme.